Zer da Angurreta Harrobia Arte Espazioa

Badira gure iruditeria pertsonalean nabarmentzeko inolako giza esku-hartzerik behar ez duten leku magikoak. Beste batzuk, ordea, oharkabean pasatuko lirateke, aldaketa horren ondorioz ez balitz. Horixe da Angurreta Harrobia Arte Espazioaren kasua. Meatze-ustiategi zaharra da, naturaren erdi-erdian dagoen parajea, gizakiaren esku-hartzeari esker apartekoa dena.

Harrobia naturan bertan hondartutako burbuila bat da, hainbat erauzketa-fronte eta hainbat tamainatako harri marmolezko blokeak banatzen dituzten terraza batzuekin, zen paisajista batek diseinatutako ordena eta oreka mantentzen dutenak. Emaitza aire megalitikoko harriz eta Japoniako lorategi lehorraren oroigarri batzuez osatutako lorategia da.

Eszenatoki berezi horrek, natura betean, artea eta bizitza lotzen dituzten testuinguru desberdinak behar dituzten praktika artistiko berriak eta beste edozein kultura-adierazpen bere osotasunean garatzea ahalbidetzen du.